Хусейн Бетельгериев. Дашо гIаргIулеш. (Видео)

Ас хьан
бIаьрхих цхьа илли доккхур ду,
Юьртан
йисттехь цхьа ирзу доккхур ду,
Муьрг цIийх
Iеначу нохчийн хьаннашкахь
Дуьне
къинтIера сайна доккхур ду.

Ас хьан
бIарлагIех гIала юттур ю,
Хилларш,
лайнадерш сица луьттур ду,
Iаьно
къарйинчу нохчийн ярташкахь
Цхьа-цхьаъ
дахарна дуьхьал хIуьттур ву.

Хаза хилла
хьо кхин а хазлур ю,
Цхьалла
лайна со къинойх цIанлур ву,
Вайшиъ
декъалдан, лаьттан Iаьнарлахь
КIайчу говро
шен туьйра дохьур ду.

Дашо
гIаргIулеш цIехьа йоьрзур ю,
Цара гIабали
хьуна йохьур ю,
БIаьсте
йоьлучу нохчийн лаьмнашкахь
Ас хьан
чIабанех сайн ирс дуцур ду.

Дешнаш –
Апти Бисултанов,
Д1аолу –
Хусейн Бетельгериев

checheninfo.ru

Добавить комментарий

Спутник Земли

Отправить комментарий