Воздингов Махаш. Стихи

Зама йоьду, буьтуш чохь,
Шен къаналлин къинойн мохь
Байбан доькхуш ламазаш,
Янза йисна 1амалаш…
Яхна хенах хьегадеш,
Йисна хено чехадеш.

Зама йог1у, хедаш хан,
Дита дезаш дуьне-г1ан..
Рог1ехь буьтуш бисна нах,
Бинчу некъан хадош мах,
Г1оза ваьхнарг айвина,
Чаьмза ваьхнарг вайина.

Со дагалацалаш

Зазаша кхелина
1алам кечделча,
Б1аьстено дендина
Самалха даьлча,
Дахарах даккхийдеш
Шаьш арадевлча,
Со дагалацалаш.

Аьхкенан тов г1уьттуш
Анайист техкош.
Бодделла са х1уьттуш
Хьиэ боьлча кхехка,
Акхтаргийн 1индаг1ехь
Шайна там хилча.
Со дагалацалаш

Гуьйренан ткъов йоьлхуш
Дуьне мустделча.
Г1арг1улеш д1айоьлхуш,
Г1айг1а язъелча.
Кхин даха дог доцуш
Безам шелбелча,
Со дагалацалаш.

Кора к1ел ч1уг етташ,
Дарц ц1ийза даьлча.
Мацалла йорт етташ,
Борз уг1а ялча.
Мокхазан цу кхерчахь,
Суйлелха баьлча,
Со дагалацалаш.

Къеналла к1ел дисна
Шаьш байлахь дисча
Жималлехь йицъелла
1амалш ян девлча.
Эхартан къинхетам
Шаьш беха девлча,
Со дагалацалаш.

checheninfo.ru

Добавить комментарий

Спутник Земли

Отправить комментарий