ДАЙДЖЕСТ: |
Кагерманов Докка
(поэма)
1. ГУЛАМ
КIентий кхиъча, дай къанбелча,
Хан заманан рогIе хIутту.
Дахаран ойла цара
Шайн хьесапашца луьтту.
Цхьана хенахь тхан дай а
Шайн дедай болчу гулбелла.
Цара, дегнаш хьоьстуш,
марабуьхкуш,
Дедайшка аьлла:
«Аш пурба лахь, тхо гIурадара
Вайна каро кхин латта.
ЭгIашбета, вай дебарна,
Даха-Iен гатлуш а лаьтта.
Тайпанан юьхь йолош,
Тхуна лаьара охьахь даха.
Пурба лахь, аренца мел оьшу дерг
Аш тхуна хьеха…»
Къаноша шайн кIенташка ладоьгIна,
Иллига санна.
Жоп далале ойланехь,
ТаьIна уьш кIеззигчу ханна.
КIентий хьаьжна шайн къаношка,
Уьш Iасанашка таьIна.
Кортош даздина, церан можмаш
Куьйгашна тIе эгна.
Iаьржа хилла цкъоцкъамаш хIинца
Шурула кIайн делла,
Дарзала куйнаш санна,
БIаьргашна тIе охкаделла.
Цхьа хан йогIу дас дегIе,
Шена луъург а дойтуш.
Кхин хан ма йогIу дегIо,
Шена луъург бен ца дойтуш.
«Къоначу» даго бохург ца до
Къанделлачу дегIо.
Зарратал бахьана тоьу
Деган дегIаца барт эгIо.
Къаналла-м вон яц-кхин
Ша левелла, цо кхин ца левахь.
Кегийчарна дала хьекъал диснехь,
Мотт оьзда лебахь.
Кегийрхошка цо ларъяйтахь,
Сий довр доцу нохчалла.
Шен суьпаллехь цо хаздинехь,
Делан дин – бусалбалла.
Важаб дуй хаийтинехь
ЦIена лардар Делан Iалам.
Берашка цо байтахь,
Цу ниIматан боккха тIалам.
Къаночун беркат дехар ду,
ТIаьхьенна масал дитахь.
Барт эгIийначу дийнахь,
МаслаIат дан цо некъ битахь.
Хаахь шений, царний юккъехь
ЧIагIъялийта шен марзо.
Хаахь церан аьрха сонталлаш
Шен кицанна тIе ерзо.
Дика ду вон дерг бен ца гуш,
Къано бIарз а ца веллехь.
МаслаIатехь оьшу кIеда мотт
Оьзда бийцабеллехь.
Къаналла вон яц-кха
Йолчуьнга дола а даделча.
Дола ца далучохь гIо дан
ВоI, ваша юххехь хилча.
Хилча уьш къинхетаме,
Лалуш шайна хуьлу гIело.
Ког баккха Iамош бер санна,
Къано тезета тIе вало.
Набарх бовлуш санна дедай
Iасанаш тIехь айбелла.
Шаьш йина ойла цара тIаккха
КIенташка дIааьлла:
«Тхо даккхийде шух,
Шу кхиъна галлац тхаьш дахарх.
Пурбанца аш, дагадовлуш,
Тхайга хьекъал а дехарх.
Да везалаш совгIат деъча,
Шаьш цуьнга ма хьовссара,
Нана – цо илли аьлча,
Аган чохь шаьш ма тхьовссара.
2. СОБАР
Сих ма лолаш шайх цхьаъ галваьлча,
Аьшнашвина вийца.
Шун собаро тарлуш ма ду и,
Дохковоккхуш хийца.
Нахалахь, юьхь йойъуш, къаьхьа дош
Цуьнга аш ма ала.
Аш цунна масал гайта
Некъ а бита дохковала.
Аш кхетийча хир вац иза
Шун хьехарна догмола.
Марзделлехь а цо дуьтур ду
Къадахана Iаьржа къола.
Дала мукълахь, цо мер дац
Делах воккху къаьхьа малар.
ДагадогIур ду къематде,
Российская IT-техника может оказаться надежнее заокеанской продукции
Российские ученые значительно ускорили работу нейронных сетей
Скрытая функция в новом смартфоне Huawei позволяет раздевать девушек на фото
Экономист предупредил о новой мошеннической схеме с порталом «Госуслуг»
Особенности вибрационных сигнализаторов и где они используются
Особенности и применения Primo Star и Stemi 305 для начинающих пользователей
АДЫГЕЯ. В Адыгее увеличили штрафы за бесконтрольный выпас скота у дорог
ГРУЗИЯ. Грузии грозит взрыв? Азербайджан и Армения договорились о границе
ГРУЗИЯ. Банда из Грузии задержана в Европе за воровство редчайших книг из библиотек
ГРУЗИЯ. Оппозиция пытается изолировать Армению: что известно о протестах против делимитации?
ЧЕЧНЯ. В Грозном на 139 улицах появились новые евроконтейнеры для мусора
СЕВАСТОПОЛЬ. На Радиогорку в Севастополе запустили бесплатные автобусы
СЕВАСТОПОЛЬ. В Севастополе из-за штормового ветра остановлено движение паромов